افضل الالغاز الشعبيه مع الاجوبة

السلام عليكم ورحمة الله وبراكاته

انشدك الي يفهمون الامعاني

الي لهم في حل الاغاز عاده

عن اخوة لهم مقام وشاني

ولهم في كل العروبه سياده

ان غاب واحد يشغله مكاني

وان زدتهم مايقبلون الزياده

الجواب ((حروف الهجاء ))

انشدك عن واحدا ذباح

عند العرب دايم غالي

يذبح خويه من دون السلاح

وفي النفس فنه ما زالي

الجواب ((النوم ))

انا بنشدك عن بنت مسكنها وسط بنت

وعذاب من هي ساكنه في حشاها

تمشي في بطن امها والمشي بصمت

وعذاب للمها وتقطعها من نماها

الجواب (( سوسة النخله ))

انشدك عن بنت فيها الخير والشر

موجوده منذا العصور القديمه

تظربها الامثال وبطيب تذكر

واخر حياة البنت صارت عديمه

الجواب (( النار ))

انشدك عن رجلا سريع اذا جاك

رجلا لمنك دعيته يجيلك

يفهم هدفك ثم يعرف نواياك

يقبض عليك ثم يخلي سفيرك

الجواب (( اللفت او المصعد الكهربائي ))

انشدك عن رجال يمشي قدام وورى

مستمر في التقدم وارجوع

مايخاف لو يقابل عنترى

خلقه الله لا عيون ولاسموع

الجواب (( المنشار ))

انشدك عن عود يجرونه اثنين

يمشي على راسه ورجله في قفاه

مجود وبين من يسار ومن يمين

عناه رب البيت ويامقوى عناه

الجواب (( المحراث ))

انشد ك عن الي ساكن ساحة البر

يرقى القصور العاليات مزاجه

في البر موجود وفي البحر مامر

الي على الجواد ياخذ خراجه

واذا جهلت ارجع الحديث ابو ذر

الي رواه الترمذي وابو ماجه

الجواب (( النمل ))

انشدك عن قاضي قضى ماتكلام

يصدر احكامه على دين الاسلام

الناس ترضابه وهو ماتعلم

يفسر الحجه ولا هوب ظلام

اذا غلط هذا على ذاك علم

ولابعدت شفته صلى ولا صام

الجواب (( الميزان ))

انشدك عن شي يجي في الدقيقه مرتين

والكل السنه مامر ولكن في القرن اذكروه

تراه واحد ماذكرنا لاتحسبنه اثنين

من عرض عشرين وثمان اهل المعرفه طلعوه

الجواب (( حرف القاف ))